Higante

HIGANTE
Ni Ka Maria

Giingon sa mga katigulangan,
Ang higante mangaon kung
Kami mangeskwela
Sakto sila tungod
Higante atong ginakaatubang karon
Karon nga nangeskwela na ta,
Andam na ta pugngan sa higante
Giadto ta nila
Gihadlok ta
Mura ta ug adlaw-adlawng ginapatay
Sa mga pabuto sa atoang mga eskwelahan
Sa pagpamungkag sa ato mga gamit sa sulod sa panimalay
Ginapalayo ta sa atong uma
Ginapasira ato mga eskwelahan apan
Dili kita ang ila gusto kaunon kundi
Atoang bahandi,
Ang nabilin natong yuta
Ang nabilin natong kinaiyahan
Ang nabilin natong kinabuhi maong
Sayop ang mga katigulangan
Sayop sila nga pasagdaan ra nato ang mga higante
Sayop sila nga kita mahadlok
Sayop sila nga di na hinoon ta mangeskwela tungod
Sa ato pag-eskwela
Makabalo ta unsaon pagpildi sa higante
Makabalo ta unsaon mapahawa siya
Makabalo ta sa pagpatay sa higante ug
Labaw pa,
Makabalo tang dili diay sya higante
Hasta ra diay niyang gamaya kung
Ikumpara sa atoa
Daghan ta
Kita ang higante!